شذى عن هيثم شاكر: كان عنده مرض خطير فعلا والحمدلله تعافي

 نشرت المطربة شذى صورة تجمعها مع صديقها المطرب هيثم شاكر وعلقت قائلة: "من امبارح بيجيلى تليفونات اللي زعلانين مني علشان أنا من أصحاب هيثم القريبين وكنت عارفة ومقولتش على مرضه، واللى أصلا بيشكك إن هيثم كان تعبان  "
 أضافت  شذى: عموما علشان مش هينفع أرد على كل المكالمات .. هيثم كان فعلا مريض بمرض خطير ربنا يبعد كل شر عن أى حد يا رب، والحمد لله هو تعافى بس هو لسه فى حاجات كتير محروم منها، وأهمها حاجة أساسية لأى كائن حي وهي نعمة الأكل لحد دلوقتى ، وهيفضل كدة ميقدرش ياكل بشكل طبيعي وده سبب اختفائه كل الفترة دي وده سبب إن هو فقد كتير جدا من وزنه "
كان  المطرب هيثم شاكر فاجأ جمهوره منذ يومين بأن السبب في غيابه لمدة 5 سنوات عن الساحة الغنائية أنه أصيب بمرض خبيث ولم يفصح عن أى تفاصيل ، وقال في تصريحات صحفية إنه  أصيب بورم خبيث فى المعدة والقولون وتم استئصال جزء كبير من المعدة فى لندن، وهو ما أدى إلى انخفاض وزنه بشكل كبير .