سيدة مسنة تسأل باسم يوسف ..هو انت( .....) شاذ

كتب / سلامة غنام

حضرت النهاردة عرض باسم يوسف اللي كان في لندن، بصرف النظر ان الشو كان دمه خفيف وفكرته حلوة بس خلاني احس ان فعلا مافيش فايدة فى المصريين وحصلت مواقف بصراحة خلتني احس اني في نص هدومي من الانجليز و العرب اللي كانوا قاعدين.
الجمهور كان اغلبه باسم fans بشكل عام وكان في جروب كده واضح بشكل فظيع ،وواضح انهم جايين في مهمة رسمية،لمساندة باسم والترويج لقلة الادب واسطونات مشروخة، لدرجة ان فيه ست كبيرة في سن ابويا مثلا وقفت وقالت له؛ اصل انت خ*ل..
المشكلة مش في كده، الفكرة انه رد عليها بكل بساطة: يعني انت جاية ودافعة ٥٠ استرليني عشان تقولي لي انت خ*ل.. ده اكيد اغلى خ*ل قلتيها في حياتك
وبعدين قام واحد من الجروب المهمة الرسمية قايله هاسألك سؤال: يعني انت خ*ل.. باسم راح واقف يفكر
يذكر ان الشو كله تقريبا ماكنش تعليقات باسم بس كانت سرد للقطات من الاعلام المصري حصلت بالفعل ومع ذلك الجروب اياه كان بيقوم يشتمه هو !!!!
وفضايح كتير بس خلت الشو يستاهل، بس برده حسستني بالاحراج ان لسه في عقليات كده سنة ٢٠١٦ ، المهم انه تعامل مع المواقف بكل هدوء وكبسهم كلهم، وخلتني احمد ربنا الف مرة إني ماجبتش صحابي من الشغل يا اما كنت اتفضحت بصراحة لان في رخص مش طبيعي في تصرفات الناس.
ونفس اسلوب الحرب الرخيصة بنفس الهبل.
الطف حاجة لما قابلناه في الafter party، وسألناه : الطب وحشك؟؟؟
جاوب بكل صراحة : لأ.