شعبان يغنى للخنازير

يتعجب الفنانون من قدرة شعبان عبد الرحيم على التفاعل مع الاحداث المحلية والدولية وسرعته فى اطلاق اغنية خلال ساعات من بداية الحدث فى حين ان المطربين الكبار كانوا يستغرقون سنوات لانتاج اغنية واحدة فقد تفرغ الموسيقار الراحل محمد الموجى ثلاث سنوات كاملة لتلحين قصيدة نزار قبانى رسالة من تحت الماء التى غناها العنليب عبد الحليم حافظ وكانت كوكب الشرق ام كلثوم تعقد جلسات عمل مع الشعراء والملحنين لشهور قبل موافقتها على غناء القصيدة اما اليوم فان شعبان عنده لحن جاهز يحتاج فقط الى تركيب اى كلام مسجوع وبعد حجرين حشيش تلاقى الاغنية حديث الناس

كلمات اغنية الخنازير الجديدة تقول

كوارثنا زادت كارثة.. الوضع شكله خطير..

قال يعني كانت ناقصة أنفلونزا الخنازير..

مرض خطير على البشر، وبوعيك..

في دولتين انتشر.. أمريكا والمكسيك..

الأنفلونزا كترت، وبقت مرض خطير..

مبقتش طيور وبس.. بقت كمان خنازير..

لو شفت يوم خنزيرة ولو شفت يوم خنزير..

لازم تلحق وبسرعة تاخد بعضك وتطير.. إيييييييه..

خنازير وطيور ولسه.. الناس جالها اكتئاب..

قادر ربنا يسترها.. ع القطط والكلاب..

بقول وبأعلى صرخة.. إحنا مش ناقصين سكوت..

علشان خنزير وفرخة.. حرام الناس تموت..

قفلنا كتير مزارع وعدمنا طيور كتير..

عايزين قرار سيادي ونعدم الخنازير..

ليه الخنازير تعيش ونضحي بناس كتير..

تعيش الناس سليمة وطظ في الخنازير..

يا ريتهم يعدموها، والناس في أمان تبات..

من غير ما الأمن يدخل، ولا تحصل إضرابات!